Türkiyədə yaşayan azərbaycanlı aktrisa Nəsrin Cavadzadə “GQ Türkiye Men Of The Year” mükafat gecəsinə qatılıb.

Aktrisa tədbiri özünün “Instagram” hesabında da işıqlandırıb.

Nəsrin Cavadzadə “İlin adamları” mükafatının heç bir kateqoriyasında təmsil olunmasa da, geyimi ilə mətbuatın, tədbirin qonaqlarının və sosial şəbəkə istifadəçilərinin diqqətini çəkib.

Qeyd edək ki, Nəsrin Cavadzadə dəfələrlə Türkiyədəki film festivallarında müxtəlif mükafatlara layiq görülüb. Buna misal olaraq “Qızıl Portağal” film festivalında “Quzu” filmində canlandırdığı Mədinə obrazını göstərmək olar. O bu filmdəki roluna görə Türkiyənin “Ən yaxşı aktrisa”sı adına layiq görülüb. (oxu.az)