Ayaq göbələyi cəmiyyətin bir çox təbəqəsində görülən və dərini narahat edən
bir xəstəlikdir. Adətən uzun müddət ayaq üstə duran insanlarda rast gəlinən bu
xəstəliyi tibbi dərmanlar və bitki mənşəli əlavələrlə müalicə etmək olar.
Qlobal.net bildirir ki, ayaq barmaqları arasında və dabanlarda dəri göbələklərindən
xilas olmaq üçün müalicəyə erkən başlamanız tövsiyə olunur. Gec olarsa,
ayaqlarda ağrı və pis qoxu hiss edilməyə başlayacaq.
Ayaq Göbələyindən Xilas Olmağın 7 Bitki Mənşəli Həll Yolu:
1)Xına:
Qədim zamanlardan günümüzə qədər gəlib çatan ayaq göbələklərinin bitki mənşəli
müalicə üsulu olan xına böyüklərimizin istifadə etdiyi bir üsuldur. Xına ayaq
göbələklərini müalicə edən və ayaq qoxusunu aradan qaldıran təbii bir həlldir.
Ayaqlarınızda qaşınma və göbələk əmələ gəlməsi yeni başlayıbsa; Xına vuraraq bu
prosesin irəliləməsinin qarşısını ala bilərsiniz.
2)Sodalı Su:
Ayaq göbələklərindən əziyyət çəkənlərin hər axşam ayaqlarını sodalı suda
bir müddət dincəlmələri tövsiyə olunur. Sodalı su sayəsində göbələklərin
çıxarılması sürətlənir və təbii maddələrlə ayaqlar təmizlənir.
3)Alma Sirkəsi:
Bir qaba hər axşam 1 stəkan alma sirkəsi və ayaqlarınızı örtəcək qədər su
qoyun. Ayaqlarınızı təxminən 20 dəqiqə suda saxlayın və sonra təmiz bir dəsmal ilə
ayaqlarınızı qurudun. Alma sirkəsi qısa müddətdə bakteriyaları təmizləyəcək və
göbələkləri sağaldacaq.
4)Çay Ağacı Yağı:
Ayaqlarınızı yuduqdan sonra çay ağacı yağı ilə masaj edərək yatın. Çay
ağacı yağı qoxunu aradan qaldırır və ayaq baxımında çox təsirlidir.
5)Lavanda Yağı:
Ayaqlarınızı və barmaqlarınızın arasını lavanda yağı ilə silə bilərsiniz.
Bunu müntəzəm olaraq etdiyiniz zaman qısa müddətdə ayaq göbələklərini təmizləmiş
olacaqsınız.
6)Oregano Və Zeytun Yağı:
Hər gecə yatmazdan əvvəl ayaqlarınıza 1 çay qaşığı zeytun yağı və 1 çay
qaşığı kəklikotu yağı qarışığı çəkin. Ayaqlarınız bu yağı bir gecədə udacaq və
bir neçə gündən sonra göbələkləri yüngülləşdirəcək.
7)Limon Yağı:
Hər duşdan sonra ayaqlarınızı limon yağı ilə masaj edə bilərsiniz. İstəsəniz
limon yağı və su qarışığı hazırlayıb ayaqlarınızı 20 dəqiqə bu suda saxlaya bilərsiniz.
Limon yağı ayaq göbələklərini tez sağaldan bitki mənşəli müalicə üsuludur.
Səbinə
Qlobal.net
101
