Rusiyada, Xabarovskda 11 nömrəli avtobusun sürücüsü gediş haqqı ödənilmədiyi üçün məktəbli qızı avtobusdan düşməyə qoymayıb.

Qlobal.net milli.az-a istinadən xəbər verir ki, kişi yeniyetməni avtobusda saxlayıb və qızın anası onu təqib edərək yolunu kəsənə qədər hərəkəti dayandırmayıb.

Münaqişə ona görə baş verib ki, məktəbli gediş haqqını ödəyəndə terminal işləməyib - kartın nasaz olduğunu görən qız sürücüyə mobil bank vasitəsilə pul köçürməsini təklif edib. Bu təklif kişini qəzəbləndirib və o, yeniyetməni avtobusdan buraxmamaq qərarına gəlib.

Bundan sonra qız anasına zəng edərək telefonu sürücüyə verib - o, qadının qəzəbinə məhəl qoymayıb və marşrut boyu davam edərək onu söyüb. Daha sonra qadın maşına minərək qızını xilas etməyə çalışıb. Bir azdan qadın nəqliyyata yetişə bilib - o, sürücünün çıxışını bağlayıb və qızın arxasınca qaçıb. Qızını götürərək, o avtobusa doğru gedib ki, gedişi ödəsin, lakin qəzəbli sürücü qışqırmağa başlayıb. O, qadının əlindən maşının açarlarını alıb, avtobusla yenidən yola düşüb.

"Yaxşı ki, mənim yanımda ikinci açarlıq var idi, mən maşına mindim və avtobus sürücüsünün aldığı açarlığı götürmək üçün onun arxasınca getdim, çünki o, onu atacaqdı, sonra onu harda axtarıb tapacaqdım? Ona görə də mən onun ardınca getdim, onu dayandırmağa çalışdım. Aydındır ki, sadəcə polisə zəng etmək lazım idi, amma sürücü açarı atıb, sonra götürdüyünü inkar edəcəkdi", - qızın anası izah edib.

Sürücü və onu təqib edən qadın yol polisi postuna çatıblar - avtomobillər işıqforda dayananda qadın avtobusa qaçaraq terminal tələb edib və gediş haqqını ödəyib. Bundan sonra sürücü qadını söyüb və oğurlanmış açarları onun alnına atıb.

Qadın polisə müraciət edib, bundan sonra cinayətkar qızın atası ilə görüşüb və ondan qadını ifadəsini geri götürməyə razı salmasını istəyib. Yeniyetmənin anası xahişlə razılaşmayıb və sürücünün etdiyi hərəkətə görə üzr belə istəmədiyini qeyd edib. Hadisə ilə bağlı araşdırma aparılır.