Arvadı Bakıda işləyən məşhur türk iş adamını məhkəməyə verdi
Bakıda "Mustafa Tayat” mağazalar şəbəkəsinin sahibi olan tanınmış türk iş adamı Mustafa Tayat məhkəməyə verilib.
Qlobal.net xəbər verir ki, iddiaçı Tayat Suzana Heydərovnadır.
Suzana Tayatın iş adamının xanımı olduğu bildirilir. O, Mustafa Tayatla
yanaşı Tanyıldız Ahmet Abdullah adlı şəxsi də cavabdeh qismində
göstərib.
Birinci instansiya məhkəməsi Suzana Tayatın iddiasını təmin etməyib. Bu baxımdan, o apellyasiya şikayəti verib.
Onun şikayəti Bakı Apellyasiya Məhkəməsində Fərrux Qasımovun
sədrlik etdiyi hakimlər kollegiyası tərəfindən araşdırılacaq. İşin
mahiyyəti mənzil mübahisələrindən ibarətdir.
Mustafa Tayat Azərbaycana 2008-ci ildə gəlib və burada öz adını
daşıyan mağazalar şəbəkəsi qurub. 2020-ci ildə Dövlət Miqrasiya Xidməti
Mustafa Tayatın Azərbaycanda yaşamasına icazə verməyib. (Qaynarinfo)
318
