Türkiyədə baş vermiş dəhşətli zəlzələ bir sıra narahatlıqlar yaradıb. Zəlzələ zamanı xüsusilə bina evlərində təhlükənin daha böyük olduğu ehtimal edilir. Odur ki, “üst, yoxsa alt mərtəbələr daha təhlükəsizdir?” kimi suallar tez-tez eşidilir.
Sfera.az məsələnin aktuallığını nəzərə alaraq mövzuyla bağlı kiçik araşdırma aparıb.
Üst mərtəbədə yaşayırsınızsa, mütəxəssislər zəlzələ anında binanı tərk etməməyi məsləhət görür: “Zəlzələ anında həm pilləkənlər, həm də lift sizin üçün çox təhlükəlidir. Üst mərtəbələr aşağı mərtəbələrə nisbətən daha çox titrəyir. Buna görə panikaya düşməyin və sakit olun. Özünü pəncərələrdən və balkonlardan atmaq məhz həmin panikanın nəticəsidir. Zəlzələ zamanı ən doğru davranış binadakı təhlükəsiz yerlərdə zəlzələnin keçməsini gözləməkdir. Təkanlar bitdikdən sonra 10 saniyə ərzində binanı tərk edə bilərsiniz. Zəlzələ zamanı alt mərtəbədə olmağınız isə yalnız binanı tez tərk etməyiniz baxımından əhəmiyyətli ola bilər".
2385
