Orxan Rüfət oğlu Hüseynzadə Ağdaş Rayon İcra Hakimiyyətinin başçısı təyin edilib.

Qlobal.net-in Qaynarinfo-ya istinadən məlumatına görə, yeni icra başçısı bu təyinatadək Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətində rəis müavini vəzifəsində çalışıb. 

1983-cü ildə Bakı şəhərində anadan olan Orxan Hüseynzadə 2004-cü ildə Bakı Dövlət Universitetini, 2013-cü ildə isə Azərbaycan Respublikasının Prezidenti yanında Dövlət İdarəçilik Akademiyasını bitirib.

2006-2012-ci illərdə Səhiyyə Nazirliyində, 2012-2018-ci illər ərzində Standartlaşdırma, Metrologiya və Patent üzrə Dövlət Komitəsində müxtəlif vəzifələrdə işləyib.

2018-ci ildə Əmək və Əhalinin Sosial Müdafiəsi Nazirliyinin Aparatında fəaliyyət göstərib. 2018-ci ildən indiyədək isə Dövlət Əmək Müfəttişliyi Xidmətində işləyib.