"Bacanaqlar" serialının aktyoru Elməddin Cəfərov Türkiyəyə yola düşür. Aktyoru qardaş ölkəyə bir çox böyük layihələrin müəllifi Acun Ilıcalı dəvət edib.
""Bacanaqlar" serialı 3 ildir ki, Azərbaycanda ən çox baxılan serialdır. Ən yüksək reytinq 17-dir və biz artıq 3-cü ildir ki, reytinq siyahısında birinciyik. Acun Ilıcalı da Azərbaycanda ən çox baxılan serial haqda soruşub və bizim serial barədə ona məlumat veriblər. Bu günlərdə Acun məni Türkiyəyə dəvət etdi və bu səfər yaxın aylarda baş tutacaq", - deyə Elməddin Cəfərov bildirib.
Qeyd edək ki, Acun Ilıcalı hal-hazırda Türkiyənin ən çox qazanan aparıcısıdır. O, Show TV-də yayımlanan 3 layihəsinə görə nə az, nə çox, 9 milyon dollar əmək haqqı alır. Bu yaxınlarda isə şoumen "AF Havaçılık" adlı avia şirkəti qurub. (milli.az)