Mən efirə gəlmirəm deyə “zir-zibil”i gətirməlisən?! – Əməkdar artist

“Bu gün efirə çıxan bayağı ifaçılar hər zaman olub. Son zamanlar da dəbə minib, aparıcılar deyir ki, “Siz verilişə gəlmədiniz, biz də məcbur olduq çağırdıq”. Mən gəlmirəm, o deməkdir ki, süfrəyə gərək zir-zibil qoyasan? Elə deyil axı”.

Qlobal.net xəbər verir ki, bu sözləri “Qapqara” yutub layihəsində Əməkdar artist Lalə Məmmədova deyib. Sənətçi bayağı mahnıların efirdə tamaşaçıya yüksək səviyyədə təqdim olunduğunu bildirib:

“Kütləyə təbliğ olunan bayağı musiqi hər zaman olub. Sadəcə əvvəllər efirdə bu səviyyədə təqdim olunmurdu. Fərq ondadır. İndi həmin ifaçılara baxıram və gülürəm. Onlar ağsaqqal, ağbirçək kimi danışmağa başlayıblar.

Güclü insanı da yıxa, məğlub edə bilərsiniz, amma vicdanı rahat olan insanı heç vaxt sındıra bilməzsiniz. Bu gün vicdanım çox rahatdır. İzləyicilərimin, övladlarımın qarşısında vicdanım rahatdır. 400-dən çox mahnım var. Onların içində bir dənə də olsun təsadüfi mahnı yoxdur”.