Tərkibindəki zəngin vitaminlər, minerallar və güclü inqrediyentlər onu qış aylarında təbiətin möcüzəli qidalarından birinə çevirir. 

Qlobal.net bildirir ki, ağ kələm qan durulaşdırıcı vasitələrdən istifadə edən insanlar tərəfindən ehtiyatla istehlak edilməlidir. Yenə də onun strukturunda olan bəzi maddələr qalxanabənzər vəzinin fəaliyyətini ləngidir. Bu səbəblə hipotiroidizmi olanlar, yəni qalxanabənzər vəziləri zəif olan insanlar tərəfindən həddindən artıq istehlak edilməməlidir. Həftədə iki dəfə istehlak etmək uyğundur.

Bəs kələmin faydaları nələrdir?

1.İmmuniteti Gücləndirir.

Tərkibində bir çox tərəvəzdən qat-qat güclü C vitamini olan ağ kələm infeksiyalardan qoruyur və immuniteti gücləndirir. 100 qram ağ kələm gündəlik C vitamini ehtiyacının 40 faizini ödəyir. Bişdikcə, gözlədikcə və emal olunduqca C vitamininin miqdarı azalsa da, yenə də faydalıdır.

2.B Vitamini İlə Zəngindir.

Tiamin, riboflavin və niasin kimi B qrupunun vitaminləri yüksək olan tərəvəzdir. B qrupu vitaminləri xüsusilə sinir sistemi üçün son dərəcə faydalıdır. 1 porsiya ağ kələm yeməyi və ya salatı istehlak etdikdə gündəlik B vitamini ehtiyacınızın yüzdə 10-unu qarşılaya bilərsiniz.

3.Arıqlamağa Kömək Edir.

Kalorisi çox az olduğu üçün pəhriz üçün uyğun tərəvəzdir. 100 qramda 24 kkal enerji var. Xüsusilə çiy halda istehlak edildikdə, pəhrizə daha az kalori verir. Liflə zəngin olduğu üçün sizi uzun müddət tox saxlayır. Həm tərkibindəki vitaminlərin, xüsusən də yağda həll olunan K və A vitaminlərinin sorulmasını təmin etmək, həm də mədədən tez çıxmadan uzun müddət tox tutmaq üçün yeməyinizi hazırlayarkən az miqdarda yağ əlavə etməyi unutmayın.

4.Ödem Atmağa Kömək Edir.

Lifli və tərkibindəki bəzi maddələrlə bu tərəvəz sidikqovucudur, yəni orqanizmdən suyun xaric olmasına kömək edir, beləliklə yaxşı dövranı təmin edir, ödemi azaldır, su ilə birlikdə natriumu bədəndən çıxarır, beləliklə də təzyiqi aşağı salır. Yemək və ya salat yüksək qan təzyiqi və ödemi olan insanlar tərəfindən asanlıqla istehlak edilə bilər.

5.Kalsium Deposudur.

Güclü bir kalsium qaynağıdır və bu xüsusiyyəti ilə digər tərəvəzlərdən bir neçə addım öndədir. Gündəlik kalsium ehtiyacınızın 10 faizini 100 qram ağ kələmlə təmin edə bilərsiniz. Çiy və ya bişmiş bu tərəvəzin həm diş, həm də sümük toxumasının möhkəmliyini dəstəkləyən kalsium tərkibinə təsir etmir.

6.Qəbizliyin Qarşısını Alır.

Xüsusilə yemək bişirərkən xoşagəlməz qoxular yaradan kükürd birləşmələri ağ kələmin həzm sistemi üçün yaxşı işləməsini təmin edir. Bundan əlavə, yarpaq hissələrində daha sıx tapılan pulpa sayəsində bağırsaq hərəkətlərini artırmaq qabiliyyəti yüksək olan bir tərəvəzdir.

7.Güclü Antioksidantdır.

Antioksidant qabiliyyəti yüksək olan tərəvəz olan ağ kələm sərbəst radikallarla mübarizə aparır və xərçəngdən qoruyur. O, həmçinin immuniteti zəiflədən xəstəliklər, qaraciyər xəstəlikləri, diabet və piylənmə kimi xəstəliklərdən qorunma təmin edir.

Səbinə

Qlobal.net