Bəzilərinin çox sevdiyi, bəzilərinin isə o qədər də xoşlamadığı, amma az sonra oxuyacaqlarınızdan sonra demək olar ki, hər kəsin sevməyə başlayacağı unikal bir ləzzətdir! Bəli, söhbət şalgam suyundan və onun faydalarından gedir.

Qlobal.net bildirir ki, özünəməxsus rəngi və dadı ilə demək olar ki, hər yeməyin yanında öz yerini tapan, tərkibindəki A, B və C vitaminləri başda olmaqla bir çox faydalı maddələrlə sağlamlığımızı dəstəkləyən bu içki sizcə də daha çox istehlak olunmağa layiq deyilmi?

Buyurun, gəlin şalgam suyunu yaxından tanıyaq, faydalarını öyrənək və onu daha çox istifadə etmək üçün nə qədər səbəbimiz olduğunu kəşf edək. Yazının sonunda sizi ləzzətli evdə hazırlanan şalgam suyu resepti də gözləyir, əvvəldən xəbər verək.

Şalgam Suyunun Faydaları

Əylənərək içdiyimiz şalgam suyunun ümumi tanınan faydaları bunlardır:

1. Həzm sisteminə faydalıdır

Şalgam suyu həzmi asanlaşdırır, bu səbəbdən yeməklərlə birlikdə istifadə olunması məsləhət görülür. Bol miqdarda qida lifləri və asidik tərkibi sayəsində həzm sistemini gücləndirir, laktik asidin təsiri ilə həzmi asanlaşdırır və toxluq hissi verir.

2. Qəbizliyi aradan qaldırır

Sadəcə həzmdə deyil, boşaltım sisteminə də faydalıdır. Yüksək lif tərkibi qəbizlik problemini aradan qaldırmağa kömək edir.

3. İmmuniteti gücləndirir

A, B və C vitaminləri baxımından zəngindir. Güclü antioksidant təsiri ilə bədəni zərərli maddələrdən təmizləyir, qripdən tutmuş bəzi xərçəng növlərinə qədər bir çox xəstəliyə qarşı qoruyucu rol oynayır.

4. Sümük və dişləri gücləndirir

Tərkibində bol miqdarda kalsium, kalium və dəmir olduğu üçün sümük və dişlərin inkişafına dəstək olur. Şalgamla yanaşı tərkibindəki qara kök və çuğundur da bu təsiri artırır.

5. Arıqlamağa kömək edir

Qida lifləri sayəsində toxluq hissi yaradır, həzmi sürətləndirir, qəbizliyin qarşısını alır. Bütün bunlar da onu əla bir pəhriz dostuna çevirir.

6. Şəkər xəstəliyinin qarşısını almağa kömək edir

Qan şəkərini yavaş-yavaş artıraraq stabil saxlayır. Bu xüsusiyyəti ilə diabet xəstələrinin də sevimli içkiləri arasında yer alır. Amma şəkər xəstələri mütləq həkimlə məsləhətləşməlidirlər.

7. Ağciyər və qaraciyəri təmizləyir

Güclü antioksidant təsiri ilə siqaret kimi zərərli maddələrin ağciyərdə buraxdığı təsiri azaldır, eyni zamanda qaraciyərin təmizlənməsinə kömək edir. Amma ən yaxşısı, zərərli vərdişlərdən tamamilə uzaqlaşmaqdır.

8. Saçların ağarmasını gecikdirir

E vitamini və mis mineralları saçların sağlamlığı üçün vacibdir. Təbii rəngini qoruyur, saç köklərini gücləndirir. Nizamlı istifadədə daha qalın və sağlam saçlara sahib ola bilərsiniz.

9. Dərinin qocalmasını gecikdirir

Antioksidant təsiri ilə dərini təmizləyir, qırışların yaranmasına səbəb olan zərərli maddələri uzaqlaşdırır. Bu da dərinin daha gənc və parlaq görünməsinə səbəb olur.

Fidan
Qlobal.net