4 dekabr 2025 üçün günlük ulduz falı

Qoç

Səhər saatlarında vacib işlərə girişməmək daha yaxşıdır. Diqqətinizi toplamaq və vaxt bölgüsü aparmaq düşündüyünüzdən çətin ola bilər. Bir çox Qoç gərgin və tez alovlanan olacaq, bu isə ünsiyyətdə anlaşılmazlıqlara səbəb ola bilər. Özünüzü yormayan, adi işlərlə məşğul olun. Çətinlikləri dərhal həll etmək mümkün olmayacaq, lakin bu gün yalnız öz gücünüzə güvənməlisiniz.

Günortadan sonra vəziyyət xeyli yaxşılaşacaq. İnsanların hiss və maraqlarını daha rahat anlayacaqsınız. Bu zaman aparılan görüşlər və müzakirələr uğurlu nəticə verəcək. Hamını qane edən bir ortaq yol tapmaq mümkün olacaq.

Buğa

Uğur yanınızda olacaq, amma bunun üçün zəhmət çəkməyiniz lazımdır. Məsuliyyətli davranışınız və peşəkar yanaşmanız rəhbərliyin diqqətindən yayınmayacaq. Bir çox Buğa iş nüfuzunu artırmaq və karyerasında irəliləmək şansı əldə edəcək. Səyləriniz gələcəkdə möhkəm təməl yaradacaq.

Yeni tanışlıqlar bu gün uğur gətirə bilər. Etibarlı dostlar və dəstəkçilər qazana, həmçinin çox cəlbedici biri ilə maraqlı münasibətə başlaya bilərsiniz.

Əkizlər

Bu gün hər şey planladığınız kimi getməyə bilər. Vacib qərarlar vermək üçün əlverişli zaman deyil — bəzi detalları nəzərdən qaçıra bilərsiniz. Daha çox tanış və özünüzün idarə edə bildiyiniz işlərlə məşğul olun. Danışıqlar və razılaşmalar üçün də uyğun gün sayılmaz.

Axşam saatlarında əhvalınız xeyli yaxşılaşacaq. Əvvəlki səhvləri düzəltmək üçün imkanlar yaranacaq. Buna baxmayaraq, böyük layihələrə girişməyin. Ən yaxşısı, yarımçıq qalan işləri tamamlamaq və yaxın günlər üçün plan tərtib etməkdir.

Xərçəng

Bu gün çox məsələnin öhdəsindən gələ biləcəksiniz. Uzun müddətdir gecikdirdiyiniz problemlər belə həll yolunu tapa bilər. Xərçənglər bu gün xüsusilə cazibədar görünəcəklər və bu, insanlarla münasibətləri asanlaşdıracaq. Nüfuzlu şəxslərdən dəstək alma ehtimalı yüksəkdir. Müqavilə və sövdələşmələr üçün əlverişli gündür.

Günortadan sonra sosial həyat aktivləşəcək. Yeni tanışlıq və ya ofisdə simpatiya ehtimalı var. Amma münasibətiniz varsa, ehtiyatlı olun — sevdiyiniz insan qısqanclıq göstərə bilər.

Şir

Enerjinizə heyran olmamaq mümkün deyil. Ətrafınızdakıların çətinlik çəkdiyi işləri belə uğurla görəcəksiniz. Şirlər bu gün açıq və səmimi davranacaq, bu isə çoxlarına xoş təsir bağışlayacaq. Lazımi adamlarla sürətli razılığa gəlmək mümkün olacaq. Daşınmaz əmlak və tikinti ilə bağlı işləri həll etmək üçün uyğun gündür.

Ev işlərinə daha çox vaxt ayırmalı ola bilərsiniz. Bu, bəzən əhvalınızı poza bilər və axşam planlarını dəyişməyə səbəb ola bilər. Sevdiklərinizlə anlaşmaqda çətinlik yaransa da, ciddi konflikt gözlənilmir.

Qız

Bu gün iş bacarıqlarınız və peşəkarlığınız yüksək səviyyədə olacaq, lakin şərait həmişə sizin xeyrinizə işləməyə bilər. Bəzi Qızlar nüfuzlu şəxslərin diqqətini çəkə və onlardan dəstək ala biləcəklər. Yaradıcı yanaşma qeyri-adi problemlərin həllində kömək edəcək. Lakin çox iddialı planların reallaşması hələlik o qədər də real görünmür.

Duyğularınızı idarə etməkdə çətinlik çəkə bilərsiniz və bu, yaxınlarla kiçik mübahisələrə səbəb ola bilər. Özünüzü ələ alsanız, xoşagəlməz halların qarşısını ala bilərsiniz.

Tərəzi

İmkansız kimi görünən fürsətləri belə dəyərləndirə biləcəksiniz. Günün ilk yarısı xüsusilə məhsuldar olacaq. Yeni ideyalarınız rəhbərlik tərəfindən bəyəniləcək. Danışıqlar, görüşlər və birgə iş müzakirələri üçün ideal vaxtdır. Bir çox Tərəzi faydalı əlaqələr qura biləcək.

Axşam isə yorğunluq özünü göstərəcək. Bu da sizi daha emosional və həssas edə bilər. Vacib münasibətləri korlamamaq üçün özünüzü idarə etməyə çalışın.

Əqrəb

Bugün böyük planları kənara qoymaq daha yaxşıdır. Qeyri-adi işlərin öhdəsindən təkbaşına gəlmək çətin olacaq. Adamlarla anlaşmaq da o qədər asan olmayacaq. Daha çox rutin işlərə, sənədlərə və yarımçıq qoyduğunuz məsələlərə diqqət yetirin.

Ailə üzvləri işlərinizə qarışa bilər və bu bəzən sizi narahat edəcək. Münaqişə yaratmaq əvəzinə, onların kömək etmək istəyini düzgün yönləndirməyə çalışın. Onlara nəyi necə edə biləcəklərini izah etsəniz, həm münasibət, həm də işlər yolunda gedəcək.

Oxatan

Səhər özünüzü sakit saxlamaq çətin olacaq. Ətrafınızdakılarla ünsiyyət düşündüyünüzdən daha gərgin keçə bilər. Hər şeyi şəxsi qəbul etməməyə çalışın. Xırda xərclər mümkündür, amma bu, büdcənizi ciddi sarsıtmayacaq.

Günün ikinci yarısı daha rahat keçəcək. Enerjiniz bərpa olunacaq və bir müddət əvvəl soyuyan münasibətləri düzəltmək şansı yaranacaq.

Oğlaq

Gün ünsiyyət üçün ideal olacaq. İnsanları asanlıqla ələ ala biləcək və təsir bağışlayacaqsınız. Bir çox Oğlaq iş dostluqlarını daha yaxın münasibətlərə çevirə bilər. Tapşırıqları ağıllı şəkildə bölüşdürsəniz, bütün planları yerinə yetirmək mümkün olacaq.

Artan təşəbbüskarlıq bəzən ehtiyac olmayan işlərə girişməyinizə səbəb ola bilər. Özünüzü çox yükləməməyə çalışın, əks halda həddindən artıq yorulma riski var.

Dolça

Bu gün eşitdiyiniz hər məlumata inanmaq düzgün olmaz. Bəzi insanlar sizi bilərəkdən və ya bilməyərək yanıltmağa çalışa bilər. Yanlış qərar böyük xərc və ya peşmanlıq yarada bilər. Həmçinin, əvvəlcədən formalaşmış fikirlərinizə yenidən baxmaq lazım gələcək. Hər öhdəliyi qəbul etməyə tələsməyin.

Günün ikinci yarısı daha münasib olacaq. Əhəmiyyətli şəxslərlə ünsiyyət qurmaq və yaxınlarınızla ciddi məsələni müzakirə etmək uğurlu nəticə verəcək.

Balıq

Müsbət düşüncə sizə çox şey qazandıracaq. Bu gün böyük uğurlar olmasa da, gündəlik işlər uğurla tamamlanacaq. Vacib imkanı qaçırmamaq üçün diqqətli olun və verdiyiniz sözləri unutmayın. Bəzi Balıqlar ev və əmlakla bağlı məsələləri uğurla həll edə biləcəklər.

Axşam özünü inkişaf etdirmək və yeni biliklər öyrənmək üçün əladır. Ailə üzvləri ilə vacib söhbətlər də uğurlu olacaq. Köhnə dostlarla görüşmək isə əhvalınıza xüsusi müsbət təsir göstərəcək.

Fidan Məmmədli
Qlobal.net