16 yaşlı cüdoçunu qətlə yetirən şəxsin vəkilindən ŞOK AÇIQLAMA - "Mənə zəng edirlər, təhqiredici mesajlar yazırlar..."

Bəs hazırda məhkəmə prosesinin gedişi hansı mərhələdədir və 16 yaşlı idmançı Turan Hüseynovu qətlə yetirən Ruslan Səfixanov neçə il müddətinə azadlıqdan məhrum ediləcəyi gözlənilir?
Məsələ ilə bağlı Referans.az-a danışan Ruslan Səfixanovun vəkili Adəm Məmmədov məhkəmə prosesinin gedişinin hələki bir qədər uzayacağının gözlənildiyini və Ruslanın elədiyi əməldən çox peşman olduğunu bildirib: “Əlbəttəki Ruslanı elədiyi hərəkətə görə qınamamağımız mümkün deyil. Lakin bunu da qeyd edək ki, elə Rusalanın özüdə bir uşaqdır. Bunlar ikisi də cavan yeniyetmə olub. Bildirildiyi kimi də ikisi arasında olan şəxsi münasibətlər zənnində dava ediblər və nəticədə Ruslan səfixanov Turan Hüseynovu bıçaqlayaraq öldürüb. Hadisəni törətməkdə şüphəli bilinən şəxsə, yəni Ruslana vəkillik etdiyimə görə inanın ki, günü bu gün belə mənim telefonum susmur. Mənə zəng edirlər, təhqiredici mesajlar yazırlar, amma bu mənim vəzifə borcumdur ki, o insanın hüquqlarını qoruyum. İnsanlar elə düşünür ki, o müdafiə olunmamalıdır, tam müdafiəsiz qalmalıdır. Lakin bu belə deyil. Onlar ikisi də gənc olublar və heç kim istəməzdi ki, belə olsun. Mən özüm də Ruslanı elədiyi hərəkətə görə çox danlamışam və o özü də törətdiyi əməldən, həqiqətən çox peşmandır. Əvvəllər o qədər bu mövzuya fikir vermirdi, amma artıq özüm də fikir vermişəm ki, çox peşman olub və günahını başa düşür”.
Adəm Məmmədov Ruslanın ala biləcəyi cəza müdətinin neçə il ola biləcəyi məsəsləsinə də toxunub: “Ümumiyyətlə bildirmək istəyirəm ki, Cinayət Məcəlləsinin 120.1-ci maddəsinə əsasən, qəsdən adam öldürmə, yəni digər şəxsi qəsdən həyatdan məhrum etmə 9 ildən 14 ilədək müddətə azadlıqdan məhrum etmə ilə cəzalandırılır. Xuliqanlıq niyyəti ilə adam öldürmə, zərərçəkmiş şəxsin xidməti vəzifəsini və ya təqsirkar şəxs üçün aşkar surətdə köməksiz vəziyyətdə olan adamı öldürmə 14 ildən 20 il müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılır. Hazırda Ruslan 14-20 il arasında bir cəza müddəti alacaq. Ömürlük həbs ediləcəyini düşünmürəm, çünki cəza təyin edilərkən şəxsin yaşı, şəxsiyyəti, ilk dəfə cinayət törətməsi, səmimi peşmançılığı, cinayəti ağırlaşdıran və yüngülləşdirən hallar və digər qanunvericiliklə müəyyən olunmuş xüsusiyyətlər nəzərə alınır. İşi araşdıran məhkəmə faktiki halların hamısına ətraflı qiymət verdikdən sonra bu barədə yükun məhkəmə aktını qəbul edəcək".