Türkiyədə anasının sevgilisi tərəfindən xüsusi amansızlıqla
qətlə yetirilən Büşra cinayəti ilə bağlı qatilin ifadəsi dəhşətə
gətirir.
Türkiyədə sevgilisinin qızını qətlə yetirən Taner ittihamları təkzib edib.
"Büşranın anası ilə 2016- ci ildə iş yerində tanış olmuşam. 2018-ci
ildə romantik münasibətimiz başladı. Sevgilimin hər iki qızı ilə çox
yaxşı münasibətim olub. Son vaxtlar ondan şübhələndim və izləyərək başqa
kişi ilə əl-ələ tutduğunu gördüm. Evlərinə gedib haqq-hesab çəkmək
istəyirdim, qapını Büşra açdı və məni söyərək təhqir elədi. Qolundan
tutub içəri apardım, susmaq bilmirdi. Qorxutmaq üçün mətbəxə keçib bıçaq
götürdüm. Kravatda uzandığı yerdə məni təpikləməyə başladı, ayağım
ilişdi üstünə yıxıldım, bıçaq da boğazına tuşlandı. Onu zorlamamışam,
elektroşok tətbiq etməmişəm. 25 bıçaq zərbəsinin 24-ü mənə aid deyil.
Evi mən yandırmamışam. Büşra öldüyünə görə peşmanam." deyə müttəhim öz
ifadəsinə bildirib.
Məhkəmə işi ilə məşğul olan hüquqşünas isə bütün cinayətin məhz Taner
tərəfindən törədildiyinin sübut olunduğunu bildirib: "30 illik iş
həyatımda gördüyüm ən vəhşi cinayətlərdən biridir. Qatil isə cinayəti
üstündən atmağa davam edir." (milli.az)